ஜூலையில் மிரட்டல்

ஆர்.மாதேஷுன் மிரட்டல் இந்த மாதம் வெளியாகிறது.

துப்பாக்கி, மாற்றான் போன்ற பெரும் படங்கள் பின்வாங்கியதால் ஜூலை மாதம் காற்றாடுகிறது. சகுனி ஏற்கனவே துவண்டு போன நிலையில் பில்லா 2-வுக்கும் மூச்சு வாங்குகிறது. இந்நிலையில் ஆக்சன் கலந்த காமெடிப் படத்தை இறக்கிவிட்டால் இன்னொரு கலகலப்பாக வாய்ப்புள்ளது.

மாதேஷுக்கு மார்‌க்கெட்டிங் பற்றி கிளாஸ் எடுக்க‌த் தேவையில்லை. ஹீரோ வினய்க்கு இணையாக சந்தானத்தின் படத்தைப் போட்டு விளம்பரம் செய்திருக்கிறார். ‌வினய்க்கு யார் தியேட்டருக்கு வரப்போகிறார்கள்.

பொதுவாக தமிழ், தெலுங்கில்தான் படமெடுப்பார்கள். மாதேஷ் வித்தியாசமாக மிரட்டலை தமிழ், கன்னடத்தில் இயக்கியிருக்கிறார். இங்கே வெளியாகும் அதேநாள் படம் கன்னடத்திலும் ‌ரிலீஸ்.

பிரவீன் மணி இசையமைக்க பிரபு, கஞ்சா கருப்பு, பிரதீப் ராவத், அன்சூர் அலிகான், பாண்டியராஜன், உமா பத்மநாபன் ஆகியோரும் நடித்துள்ளனர்.