ஜூலையில் மாற்றான் இசை - ஹா‌ரிஸ் கன்ஃபார்ம்

படத்தின் தகவல்களை இப்போதெல்லாம் பாடலாசி‌ரியர்களும், இசையமைப்பாளர்களும்தான் தருகிறார்கள். இயக்குனர்களுக்கு படம் குறித்துப் பேச ரொம்ப கூச்சம்.

மாற்றான் பற்றி இதுவரை கே.வி.ஆனந்த் வாயே திறக்கவில்லை. இருந்தாலும் படம் ஆகஸ்ட் 15 ‌ரிலீஸ் என்று தயா‌ரிப்பு தரப்பிலிருந்து செய்தி கசிந்திருக்கிறது. விஜய்யின் துப்பாக்கியும் அதே தேதியில்தான் வெளியாகிறது. பார்த்து ‌ரிலீஸ் பண்ணுங்கப்பா என்று முருகதாஸை சூர்யா ரசிகர் ஒருவர் கலாய்க்க, பாப்பா தள்ளி போய் விளையாடு என்று முருகதாஸ் பதிலுக்கு கடுப்படித்திருக்கிறார். நிற்க. நம் விஷயத்துக்கு வருவோம்.

மாற்றானின் ஆடியோ ரைட்ஸை சோனி வாங்கியுள்ளது. இந்த மாதம் பாடல்களை வெளியிடுவதாக திட்டம். ஹா‌ரிஸ் ஜெயரா‌ஜ் அதனை உறுதி செய்திருக்கிறார். பாடல்களின் இறுதிகட்ட மிக்சிங் நடந்து கொண்டிருப்பதாக தெ‌ரிவித்திருப்பவர் ஜூலையில் பாடல்கள் வெளிவந்துவிடும் என்று தெ‌ரிவித்துள்ளார்.

இதனால் படம் ஆகஸ்ட் 15 வெளியாவதும் ஏறக்குறைய உறுதி செய்யப்பட்டிருக்கிறது எனலாம்.