கர்மாவுக்கு வைரமுத்துவின் குறள்

சென்னை : அர்விந்த் ராமலிங்கம் இயக்கும் படம், ‘கர்மா’. இந்தப் படத்துக்காக, ‘கர்மா’வை மையப்படுத்தி பத்து குறள்களை எழுதி பாடியுள்ளார் வைரமுத்து. இதுபற்றி அவர் கூறியதாவது: திருக்குறளிலுள்ள 133 அதிகாரங்களில், ஊழ்வினை என்ற அதிகாரம் இருக்கிறது. அதை தொடர்பு படுத்தியும் படுத்தாமலும் 10 குறள்கள் எழுதினேன். அதை என் குரலில் ஒலிப்பதிவு செய்திருக்கிறார் இசை அமைப்பாளர் எல்.வி.கணேசன். இப்போது வள்ளுவர் தோன்றினால், என்ன எழுதுவார் என்று யோசித்தேன். அவர் நவீனமாக திருக்குறள் எழுதினால் எப்படி இருக்கும் என்ற சிந்தனை பிறந்திருக்கிறது. இவ்வாறு வைரமுத்து கூறினார்.