ஜெய்யின் கெஸ்ட் ரோல்

தனது வியாபார எல்லை தெ‌ரிந்து சோலோ ஹீரோவாக மட்டுமே நடிப்பேன் என்ற கொள்கையை ஜெய் தளர்த்திய பிறகு கால்ஷீட் டை‌ரி நிரம்பி வழிகிற அளவுக்கு வாய்ப்புகள். இதில் ஒன்று வேட்டை மன்னன்.

சிம்பு, ஹன்சிகா மோத்வானி, தீக்சா சேத் நடிக்கும் இந்தப் படத்தில் ஜெய் சிம்புவின் நண்பனாக நடிக்கிறார். இவர்தான் இரண்டாவது ஹீரோ.

சிம்பு தற்போது வேட்டை மன்னன், போடா போடி, வாலு படங்களில் நடித்து வருகிறார். வாலுக்கு முன்பு தொடங்கிய படம் என்றாலும் வேட்டை மன்னன் முதலில் வரப் போவதில்லை. வாலுதான் முதலில். தீபாவளிக்கு வருகிறது.

இந்தப் படத்தில் சிம்புவுடன் சந்தானம், பிரம்மானந்தம் ஆகியோர் நடிக்கிறார்கள். இப்போது கெஸ்ட் ரோலில் ஜெய்யையும் நடிக்க வைத்திருக்கிறார் சிம்பு. ஒரு கல் ஒரு கண்ணாடி போல இந்தப் படமும் ரொமாண்டிக் காமெடியாக உருவாகி வருகிறது.