சேரன் படத்தில் சூர்யா கெஸ்ட் ரோல்

சென்னையில் ஒரு நாள் படத்தில் கவுரவ வேடத்தில் நடிக்கிறார் சூர்யா. மலையாளத்தில் ஹிட்டான படம் டிராபிக். ராஜேஷ் பிள்ளை இயக்கினார். இந்த படத்தின் ரீமேக் உரிமை தமிழில் வாங்கப்பட்டது. இதை தமிழிலும் ராஜேஷ் பிள்ளை இயக்குவதாக இருந்தது. திடீரென பாலிவுட் நிறுவனம் ஒன்று டிராபிக் படத்தை பார்த்துவிட்டு, இந்தியில் ரீமேக் செய்ய முடிவு செய்தது. இது தொடர்பாக ராஜேஷ் பிள்ளையிடம் அந்நிறுவனம் பேசியது. இதையடுத்து தமிழ் படத்திலிருந்து விலகிய ராஜேஷ் பிள்ளை, டிராபிக் படத்தின் இந்தி ரீமேக்கை இயக்க முடிவு செய்தார்.

இப்போது டிராபிக் என்ற பெயரிலே அப்படத்தை அவர் இந்தியில் இயக்கி வருகிறார். இதையடுத்து தமிழில் இப்படத்துக்கு சென்னையில் ஒரு நாள் என பெயரிட்டுள்ளனர். இப்போது இந்த படத்தை ஷாஹீத் காதர் இயக்குகிறார். சரத்குமார், சேரன், பிரசன்னா, நாசர், பிரகாஷ்ராஜ் உள்ளிட்டோர் இதில் நடிக்கின்றனர். இப்போது இந்த படத்தில் கவுரவ வேடத்தில் சூர்யா நடிக்க உள்ளார். சூர்யா ஏற்கும் வேடம், ஒரிஜினல் படத்தில் கிடையாது. தமிழுக்காக கதையில் சிறு மாற்றம் செய்து, சூர்யாவின் வேடத்தை சேர்த்துள்ளனர். விரைவில் இப்பட ஷூட்டிங்கில் சூர்யா பங்கேற்க உள்ளார்.