தமிழில் ‌‌ரீமே‌க்காகும் ஏக் தா டைகர்?

ப‌ன்‌னிர‌‌ண்டே நா‌ட்க‌ளி‌ல் 210 கோடி ரூபாய். ஆஹா இந்த அத்திப்பழம் நமக்கு கிடைக்காம போச்சே என்று ஆளாளுக்கு கொட்டாவி விடுகிறார்கள். அவர்களுக்குதான் இருக்கவே இருக்கிறது ‌‌ரீமே‌க். தெலுங்கில் ஏக் தா டைகரை ‌‌ரீமே‌க் செய்கிறார்களாம். தமிழில்...?

எடிட்டர் மோகன் - ஜெயம் ராஜா, ரவியின் தந்தை - ஏக் தா டைக‌ரின் தமிழ் ‌‌ரீமே‌க் ரைட்ஸை வாங்க ஆர்வம் காட்டுவதாக தகவல் கசிந்துள்ளது. பொதுவாக தனது மகன் ஜெயம் ராஜா நடிப்பதற்காகதான் இவர் ‌‌ரீமே‌க் ரைட்ஸ் வாங்குவது வழக்கம். இளைய மகன் ஜெயம் ரவி நடிக்க மூத்த மகன் ஜெயம் ராஜா இயக்குவார்.

ஏக் தா டைகர் ஜெயம் ரவியின் இமேஜுக்கு ரொம்பவே அதிகம். அதனால் ஜெயம் ராஜா இயக்கத்தில் விஜய் நடித்தால் நன்றாக இருக்குமே என்று மோகனுக்கு எண்ணம். ட்ராப்பான கௌதமின் யோஹன் படமும் இதேபோன்றதொரு கதைதான் என்பதால் விஜய் ஏக் தா டைக‌ரின் ‌‌ரீமே‌க்கில் நடிக்க ஆர்வம் காட்ட வாய்ப்புள்ளது. மேலும் வேலாயுதம் என்ற ஹிட் வேறு இவர்கள் இருவரும் இணைந்து கொடுத்திருக்கிறார்கள். (படத்தின் தரம் மொக்கை என்பது வேறு விஷயம்).

விரைவில் டைகர் தமிழில் உறும வாய்ப்புள்ளதாகவே தெ‌ரிகிறது.