ரமணாவை ‌‌ரீமே‌க் செய்யும் ஜெயம் ராஜா

ஏ.ஆர்.முருகதாஸின் ரமணாவை இந்தியில் ‌‌ரீமே‌க் செய்கிறார்கள். இந்த ‌‌ரீமே‌க்கில் சல்மான் நடிக்கிறார் இல்லை ஷாருக்கான் என்று முன்பு வதந்திகள் உலவின. ஆனால் படத்தை இயக்குவது ஏ.ஆர்.முருகதாஸ் என்பதில் எந்த குழப்பமும் இல்லை.

ஆனால் சமீபத்திய செய்திகள் வேறு விதமாக உள்ளன. ரமணா ‌‌ரீமே‌க்கில் நடிக்கயிருப்பவர் அக்சய் குமார். விக்ரமார்க்குடுவின் இந்தி ‌‌ரீமே‌க்கான ரவுடி ரத்தோ‌ரில் நடித்து தென்னிந்திய ‌‌ரீமே‌க் ருசியை இப்போதுதான் அனுபவித்திருக்கிறார். (ப்‌ரியதர்ஷனின் ‌‌ரீமே‌க்கை கணக்கில் கொள்ளவில்லை). இவர்தான் ரமணா இந்தி ‌‌ரீமே‌க்கில் நடிக்கயிருக்கிறார்.

ரமணாவை மீண்டும் இயக்கும் எண்ணம் முருகதாஸுக்கு இல்லை. அதனால் அந்தப் பொறுப்பை ‌‌ரீமே‌க் திலகம் ஜெயம் ராஜா கைப்பற்றியிருக்கிறார். ஒ‌ரி‌ஜினலின் கோவணம் முதற்கொண்டு அச்சு அசலாக உருவக் கூடியவர் என்பதால் ராஜாவை தேர்வு செய்திருக்கிறார்களாம்.