ஆஸ்கர் போட்டியில் பாலா‌ஜி சக்திவேல், ஏ.ஆர்.முருகதாஸ்

ஆஸ்கர் விருது பட்டியலில் சிறந்த வெளிநாட்டு திரைப்படத்துக்கான விருது என்று ஒன்றும் உள்ளது. இந்தப் பி‌ரிவில் மட்டும்தான் அமெ‌ரிக்காவுக்கு வெளியே தயாராகும் படங்கள் போட்டியிட முடியும். இதற்காக இந்தியா சார்பில் படங்கள் அனுப்பப்படுவதுண்டு.

அமீர்கானின் லகான் உள்பட ஓ‌ரிரு படங்கள் மட்டுமே முதல்கட்ட தேர்வை தாண்டியிருக்கின்றன. மற்றவை போன வேகத்தில் வெளியேற்றப்படும். இதில் இன்னொரு காமெடி, அடூர் கோபாலகிருஷ்ணனின் படங்கள் நான்கு முறை தேசிய விருதுகள் பெற்றிருக்கின்றன. பலமுறை இவர் சிறந்த இயக்குனருக்கான தேசிய விருதை வாங்கியிருக்கிறார். ஆனால் இதுவரை இவ‌ரின் ஒரு படம்கூட ஆஸ்கருக்கு இந்தியா சார்பில் ப‌ரிந்துரைக்கப்பட்டதில்லை.

இந்தமுறை இந்திய திரைப்பட சம்மேளனம் 10 படங்களை ஆஸ்கர் விருதுக்கு ப‌ரிந்துரைத்திருக்கிறது. இதில் பாலா‌ஜி சக்திவேலின் வழக்கு எண்ணும், முருகதாஸின் 7ஆம் அறிவும் அடக்கம். மேலும் வித்யாபாலன் நடித்த கஹானி, அனுராக் காஷ்யபின் கேங் ஆஃப் வாஸேபேர் போன்ற படங்களும் ப‌ரிந்துரைக்கப்பட்டுள்ளன.