ஆஸ்கர் ரவிச்சந்திரனின் 'சைவம்'

தமிழ் திரையுலகின் பிரம்மாண்ட படங்களின் தயாரிப்பாளர்கள் அனைவருமே தங்களது படத்தின் பாடல் வெளியீட்டு விழா மற்றும் பத்திரிகையாளர் சந்திப்பு நடைபெறும் போது அதில் கலந்து கொண்டு தங்களது அனுபவங்களை பகிர்ந்து கொள்வார்கள். இதில் இருந்து முற்றிலும் முரண்பட்டவர் ஆஸ்கர் பிலிம்ஸ் ரவிசந்திரன். 'ரமணா', 'அந்நியன்', 'தசாவதாரம்', 'வேலாயுதம்' உள்ளிட்ட பிரம்மாண்டமான படங்களை தயாரித்தாலும் எந்த ஒரு இசை வெளியீட்டு விழாவிலும் அவர் கலந்து கொள்ளவில்லை. இவரது புகைப்படம் மற்றும் பேட்டி கூட எந்த ஒரு பத்திரிகையிலும் வெளியாவதில்லை. கமல் நடித்த 'தசாவதாரம்' படத்தின் இசையை ஜாக்கிசானை வைத்து வெளியிட்டார். அந்த இசை வெளியீட்டு விழாவிலும் இவர் கலந்து கொள்ளவில்லை. ஆஸ்கர் நிறுவனம் தங்களது பெயர் மற்றும் LOGO-வை பயன்படுத்தக் கூடாது என்று அமெரிக்க ஆஸ்கர் விருது குழு கடிதம் அனுப்பிய பின், தற்போது தனது நிறுவனத்தின் LOGO-வை மாற்றியதோடு மட்டுமல்லாமல், நிறுவனத்தின் பெயரை AASCAR என்று மாற்றி இருப்பது குறிப்பிடத்தக்கது. தற்போது சினிமா தயாரிப்பதோடு மட்டுமல்லாமல் தமிழகம் முழுவதும் சைவ ஹோட்டல் ஆரம்பிக்க திட்டமிட்டு இருக்கிறார். இதற்கு 'சைவம்' என்றே பெயர் வைத்திருக்கிறார். தனது படங்கள் மூலம் திரைச்சுவை கொடுத்தவர் தற்போது மக்களுக்கு அறுசுவை வழங்க வருகிறார். திரை-ல கொட்டுன பணத்த இலையிலயும் கொட்டி பாப்போமேனு நெனச்சிட்டாரோ...?!