ரிச்சர்ட் திருமணம் - கண்ணதாசன் பேத்தியை மணக்கிறார்

காதல் வைரஸ் படத்தில் அறிமுகமான ‌ரிச்சர்ட் விரைவில் திருமணம் செய்யவிருக்கிறார். இவர் மணக்க இருப்பது மறைந்த கவிஞர் கண்ணதாசனின் பேத்தியான சத்யலட்சுமியை.

காதல் வைரஸுக்குப் பிறகு ‌ரிச்சர்ட் நடித்த பல படங்களில் நாளை மட்டுமே ஓரளவு பெயர் வாங்கித்தந்தது. நடுவில் தெலுங்குக்குப் போன அவர் மீண்டும் தமிழில் நடிக்க ஆரம்பித்திருக்கிறார். ரெண்டாவது படம், கூத்து ஆகியவற்றில் ‌ரிச்சர்ட் நடித்து வருகிறார்.

இவ்வளவு சொன்னாலும் முன்னாள் நடிகை ஷாலினியின் சகோதரர் என்று சொன்னால்தான் சட்டென்று பலருக்கும் இவரை‌த் தெ‌ரியும். வரும் 23ஆம் தேதி ‌ரிச்சர்ட், சத்யலட்சுமி திருமண நிச்சயதார்த்தம் நடக்கவுள்ளது. இது பெற்றோர்கள் பார்த்து நிச்சயித்த திருமணம். அடுத்த வருடம் திருமணம் நடக்கவுள்ளது.

சத்யலட்சு‌மி பல் மருத்துவர். பொன் மாலைப் பொழுது என்ற படத்தின் இணை தயா‌ரிப்பாளர். திருமணத்துக்குப் பிறகும் சத்யலட்சுமி படங்கள் தயா‌ரிப்பார் என ‌ரிச்சர்ட் தெ‌ரிவித்தார்.
ரிச்சர்ட் திருமணம், காதல் வைரஸ்