நடிகை திரிஷாவுக்கு விரைவில் திருமணம்?: உறவுக்காரரை மணக்கிறார்

நடிகை திரிஷாவுக்கு திருமணம் நிச்சயமாகியுள்ளதாக பரபரப்பு தகவல் வெளியாகியுள்ளது. உறவுக்கார மாப்பிள்ளையை திரிஷாவின் தாய் பார்த்து வைத்திருப்பதாக கூறப்படுகிறது.

திரிஷா பத்து வருடங்களுக்கு முன் சினிமாவுக்கு வந்தார். தமிழ், தெலுங்கில் ஏராளமான படங்களில் நடித்து முன்னணி நடிகையாக உள்ளார். இந்தியிலும் நடித்துள்ளார். திரிஷா பற்றி ஏற்கனவே நிறைய கிசுகிசுக்கள் வந்தன. தெலுங்கு நடிகர் ராணாவுடனும் இணைத்து பேசப்பட்டார். ஆனால் இருவருமே நட்புடன் பழகுவதாகவும் காதல் இல்லை என்றும் மறுத்தனர்.

இந்த நிலையில்தான் தற்போது திரிஷாவுக்கு திருமணம் முடிவாகியுள்ளதாக செய்தி வெளியா கியுள்ளது. திரிஷாவுக்கு 29வயது ஆகிறது. எனவே இந்த வருடம் இறுதியிலேயே திருமணம் நடக்கலாம் என தெரிகிறது.

ஜெயம் ரவியுடன் பூலோகம், ஜீவாவுடன் என்றென்றும் புன்னகை ஆகிய படங்களில் தற்போது நடித்து வருகிறார். தெலுங்கில் ‘ரம்’ என்ற படத்திலும் நடிக்கிறார். இவை தவிர வேறு புது படங்கள் எதிலும் ஒப்பந்தம் ஆகவில்லை. நிறையபட வாய்ப்புகள் வருகின்றன. எதையும் ஏற்கவில்லை. திருமணத்துக்காகவே புதுப் படங்களை ஒப்புக் கொள்ளவில்லை என்று கூறப்படுகிறது.