கிருஷ்ணர் வேடத்தில் ர‌ஜினி?

தனது இளைய மகளின் இயக்கத்தில் ர‌ஜினி நடித்து வருகிறார். மூத்த மகளும் இயக்குனர் என்றபடியால் அவரது இயக்கத்திலும் நடித்தாக வேண்டும். ஒரு கண்ணுக்கு ஆக் ஷனும் இன்னொரு கண்ணுக்கு கட்டும் சொல்ல முடியாது. அப்படி கட் சொல்ல முடியாத ஆஃபர் மூத்த மகள் ஐ‌ஸ்வர்யாவால் முன் வைக்கப்பட்டிருக்கிறது.

அக்சய் குமார் தயா‌ரித்து கிருஷ்ணராக கெஸ்ட் ரோலில் நடித்த ஓ மை காட் பாக்ஸ் ஆஃபிஸில் இப்போதும் கலக்கிக் கொண்டிருக்கிறது. இந்தப் படத்தை தமிழில் ‌ரிமேக் செய்யும் நோக்கத்தில் அக் ஷய் குமாரை மும்பையில் சென்ற ஞாயிறு சந்தித்தார் ஐஸ்வர்யா. பேச்சுவார்த்தை சுமுகமாக முடிந்திருப்பதாக தகவல்.

ரொம்ப நாள் முன்பே ஓ மை காட் ‌ரீமேக்கில் ர‌ஜினி நடிப்பதாக இருந்தால் ‌ரீமேக் ரைட்ஸை தருவதாக அக்சய் கூறியிருந்தார். அந்த மில்லியன் டாலர் பேச்சுதான் ஐஸ்வர்யாவை ட்‌ரிகர் செய்ததாகவும் சொல்கிறார்கள்.

ஓ மை காட் படத்தின் ஹீரோ பரேஷ் ராவல். அக்சயின் கிருஷ்ணர் வேடம் கெஸ்ட் அப்பியரன்ஸ்தான். அதனால் அதன் தமிழ் ‌ரீமேக்கில் ர‌ஜினியை கிருஷ்ணராக்க ஐஸ்வர்யாவுக்கு ஆசை.

நோ என்றா சொல்லப் போகிறார் ர‌ஜினி.
கிருஷ்ணர் வேடம் ரஜினி, ஐஸ்வர்யா