நேரடி தமிழ்ப் படத்தில் மகேஷ்பாபு

தமிழ் நடிகர்களின் படங்கள் தெலுங்கில் வெளியாகி அவ்வப்போது நல்ல கலெக்சனை பெறும். துப்பாக்கி ஆந்திராவில் அரங்கு நிறைந்த காட்சிகளாக ஓடிக் கொண்டிருக்கிறது. மாறாக தெலுங்கு நடிகர்களின் படங்கள் தமிழில் பெ‌ரிதாக சாதிப்பதில்லை. ராஜமௌலியின் நான் ஈ விதிவிலக்கு.

அதேநேரம் மகேஷ்பாபுவின் படங்களுக்கு தமிழகத்தில் ஓரளவு வரவேற்பு உள்ளது. இவ‌ரின் அத்தடு படம் நந்து என்ற பெய‌ரில் தமிழில் வெளியாகி பரவலான வரவேற்பை பெற்றது. இன்றும் தமிழ் தொலைக்காட்சியில் இப்படத்தை அவ்வப்போது பார்க்கலாம். டப்பிங் மூலமாக தமிழ் ரசிகர்களை சந்தித்த மகேஷ்பாபு முதல்முறையாக நேரடி தமிழ்ப் படத்தில் நடிக்க உள்ளார்.

வானம் படத்தை இயக்கிய க்‌ரிஷ் தற்போது கிருஷ்ணம் வந்தே ஜெகத்குரும் படத்தை ராணா, நயன்தாராவை வைத்து இயக்கி வருவதும், அப்படம் நவ.30 வெளியாகவிருப்பதும் தெ‌ரிந்ததே. இந்தப் படம் ஓங்காரம் என்ற பெய‌ரில் தமிழில் வெளியாகிறது. இதையடுத்து இவர் இயக்கும் படத்தில் மகேஷ்பாபு நடிக்கிறார். தமிழ், தெலுங்கில் இப்படம் ஒரேநேரத்தில் உருவாக உள்ளது.

மகேஷ்பாபுவின் ஜோடி, படத்தின் பெயர் போன்ற பிற விவரங்கள் இன்னும் முடிவாகவில்லை.
மகேஷ்பாபு தமிழ் சினிமா, க்ரிஷ்