நேரடி தமிழ்ப் படத்தில் அல்லு அர்ஜுன்

தெலுங்கில் முன்னணி நடிகரான அல்லு அர்ஜுன் விரைவில் நேரடி தமிழ்ப் படம் ஒன்றில் நடிக்க இருக்கிறார்.

இதன் மூலம் அவர் தமிழிலும் முத்திரை பதிக்க வருகிறார். சிவா மனசுல சக்தி, பாஸ் என்கிற பாஸ்கரன், ஒரு கல் ஒரு கண்ணாடி போன்ற வெற்றிப்படங்களை இயக்கிய ராஜேஷ் இந்தப் படத்தை இயக்குகிறார். அல்லு அர்ஜுன்-ராஜேஷ் இணையும் புதிய படத்தை ஸ்டூடியோ கிரீன் தயாரிக்கிறது. ராஜேஷ் தற்போது ஆல் இன் ஆள் அழகுராஜா எனும் படத்தை இயக்கி வருகிறார். கார்த்தி மற்றும் காஜல் அகர்வால் நடிக்கும் இந்தப் படத்தையும் ஸ்டுடியோ கிரீன் நிறுவனம் தான் தயாரிக்கிறது.

எனவே ஆல் இன் ஆல் அழகுராஜா படப்பிடிப்பு முடிந்ததும் அல்லுஅர்ஜுனின் புதிய படத்தின் படப்பிடிப்பு தொடங்கும் என்று தெரிகிறது.