சோனாவுக்கு நடிகர் சங்கம் ஆதரவு

டிஷ்யூ பேப்பர் விவகாரம் இப்போதைக்கு முடியாது போலிருக்கிறது. வெறும் வாயை மென்று கொண்டிருந்த ஆண்கள் மற்றும் பெண்கள் சங்கங்களுக்கு சோனா விவகாரம் அபூர்வமாகக் கிடைத்த அவல். மென்று துப்பாமல் விடமாட்டார்கள்.

ஆண்களை துடைத்துப் போடும் டிஷ்யூ பேப்பர் என்று நான் சொல்லவில்லை, பத்தி‌ரிகை நிருபர் அவராக எழுதிக் கொண்டது என்று சோனா விளக்கம் அளித்ததோடு அந்த நிருபர் மீது வழக்கும் தொடர்ந்துள்ளார். இதற்குப் பிறகு வழக்கில் யார் குற்றவாளி என்று தெ‌ரியும்வரை பொறுத்திருக்க வேண்டியது ஆண்கள் சங்கத்தின் கடமை. மாறாக சோனாவின் அலுவலகத்தின் முன்பு போராட்டம் நடத்தி வீம்பு செய்தனர். இதனை கண்டிக்கும் விதமாக பெண்கள் சங்கங்கள் வ‌ரிந்து கட்டின. சந்தடிசாக்கில் ஆண்களுக்கு சங்கமே தேவையில்லை என்று ஒட்டு மொத்த ஆண்களின் சிண்டையும் பிடித்திருக்கிறார்கள்.

இந்த சங்கங்களின் சண்டையால் பெ‌ரிதும் பாதிக்கப்பட்டவர் சோனா. கடைசியில் நடிகர் சங்கத்தின் உதவியை நாடியிருக்கிறார். நடிகர்களை பத்தி‌ரிகைகள் ஆபாசமாக எழுதுகின்றன என்ற கடுப்பில் இருக்கும் சங்கமும் சோனாவுக்கு எல்லாவகையிலும் ஆதரவு தருவதாக உறுதியளித்திருக்கிறது.

கசக்கிப் போடும் பேப்பர் வேல்யூகூட இல்லாத விஷயத்துக்கு இவ்வளவு பில்டப்பா?