நடிகராகும் ஜீ.வி.பிரகாஷ்

இன்றைய தேதியில் தமிழின் பிக் ஷாட்ஸ் அனைவருடனும் பணிபுரிந்து கொண்டிருப்பவர் ஜீ.வி.பிரகாஷ் குமார். பாலா, பாரதிராஜா, விஜய், வெற்றிமாறன் என்று இவரது இசைப்பட்டியல் நீள்கிறது.

முருகதாஸும், பாக்ஸ் ஸ்டார் ஸ்டுடியோவும் இணைந்து தயாரிக்கும் படத்தில் இவர் ஹீரோவாக நடிப்பதாக ஒரு செய்தி ஒரு மாதம் முன்பாக உலவியது நினைவிருக்கும். ஜீ.வி.பிரகாஷ் தரப்பு அந்தச் செய்தியை ஊர்ஜிதம் செய்யாததால் அந்த செய்தி காற்றோடு கலந்தது. முருகதாஸ் ஜீ.வி.பிரகாஷுக்குப் பதில் தேவி ஸ்ரீபிரசாத்தை வைத்து அந்தப் படத்தை எடுக்கிறார் எனவும் செய்தி வெளியானது. ஆனால்...

குறிப்பிட்ட அந்தப் படத்தில் ஜீ.வி.பிரகாஷே நடிக்கிறார். இதற்கான ஆரம்ப வேலைகளை - அதுதான் ஜிம்முக்கு போவது - அவரர் ஆரம்பித்துவிட்டார். முருகதாஸின் அசிஸ்டெண்ட் இந்தப் படத்தை இயக்குகிறார்.

இதில் ஜீ.வி.பிரகாஷ் இசையமைப்பாளராக வருகிறார். நடிப்பதற்கு அவர் சம்மதம் தெரிவித்ததற்கு இதுவும் முக்கிய காரணம்.