மிரட்டல் - கமல் ரசிகர்கள் கைது

டிடிஹெச் சில் விஸ்வரூபம் படத்தை வெளியிடுவதற்கு எதிர்ப்பு தெரிவித்ததால் கமல் ரசிகர்கள் எனக்கு கொலை மிரட்டல் விடுக்கிறார்கள் என தயாரிப்பாளர் கே.ராஜன் போலீஸில் புகார் தந்தது நினைவிருக்கலாம். அப்போது கொலை மிரட்டல் வந்த தொலைபேசி எண்களையும் அவர் போலீசாரிடம் தந்தார்.

அந்த தொலைபேசி எண்களை வைத்து மூன்று கமல் ரசிகர்களை போலீசார்ர் கைது செய்துள்ளனர். கே.ராஜனுக்கு போன் செய்த அவர்கள் உண்மையில் கொலை மிரட்டல் விடுத்தனரா என்பது தெரியாத நிலையில் மூவரும் கைது செய்யப்பட்டதால் கமல் ரசிகர்கள் கொந்தளிப்பு அடைந்தனர். ஐம்பதுக்கும் மேற்பட்டோர் கமிஷனர் அலுவலகத்துக்கு சென்றதால் அங்கு சிறிது நேரம் பரபரப்பு ஏற்பட்டது.

இந்த கைதும், பரபரப்பும் விஸ்வரூபம் படத்துக்கு மேலும் விளம்பரத்தை தந்துள்ளது.