கமலின் ஹாலிவுட் படம் ஆல் ஆர் கின்

கமல்ஹாசன் விரைவில் ஒரு ஹாலிவுட் படத்தில் நடிப்பதாக கூறியிருந்தார். ஹாலிவுட்டின் பிரபல தயா‌ரிப்பாளர் பாரிய் ஆஸ்பர்ன் தயா‌ரிக்கும் இந்தப் படத்தின் பெயர் தற்போது தெரியவந்துள்ளது.

விஸ்வரூபம் படத்தைப் பார்த்த பாரிய் ஆஸ்பர்ன் கமலின் திறமையில் வியந்து அவரை ஹாலிவுட் படத்தில் நடிக்கும்படி அழைப்பு விடுத்தார். அதனைத் தொடர்ந்து கமல் சில கதைகள் சொல்ல அதில் ஒரு கதையை தயா‌ரிக்க பாரிய் ஆஸ்பர்ன் ஒப்புக் கொண்டார்.

தற்போது விஸ்வரூபம் இரண்டாம் பாகத்தை முடிப்பதில் தீவிரமாக இருக்கிறார் கமல். இந்தப் படம் முடிந்த பிறகு அவர் ஹாலிவுட் படத்தில் நடிக்கிறார். அதைத் தொடர்ந்து மூன்று வேடங்களில் கமல் நடிக்கும் மூ என்ற படம் தமிழில் தயாராக உள்ளது.

ஹாலிவுட்டில் கமல் நடிக்கும் படத்துக்கு ஆல் ஆர் கின் என்ற பெயர் வைக்கப்பட்டிருப்பதாக தகவல்கள் தெரிவிக்கின்றன. இதற்கு தமிழில் யாவரும் கேளீர் என்று பொருள்.

இந்த பெயர் இறுதியானதா என்று அதிகாரப்பூர்வமாக இன்னும் அறிவிக்கவில்லை.