கொள்ளு ரசம்

என்னென்ன தேவை?

கொள்ளு - 100 கிராம்,
தக்காளி - 2,
பொடித்த மிளகு,
சீரகம் - தேவைக்கேற்ப,
பூண்டு - 10 பல்,
புளி - எலுமிச்சை அளவு,
காய்ந்த மிளகாய் - 4,
உப்பு - தேவைக்கேற்ப,
கறிவேப்பிலை, கொத்தமல்லி - சிறிது, எண்ணெய் - சிறிது.
எப்படிச் செய்வது?

முதல் நாள் கொள்ளை ஊற வைக்கவும். மறுநாள் அதில் இன்னும் சிறிது தண்ணீர் விட்டு வேக விட்டு, அந்தத் தண்ணீரை மட்டும் வடிகட்டி வைக்கவும். அதில் புளிக்கரைசல் சேர்க்கவும். தக்காளியைக் கரைத்து, உப்பு சேர்த்து கொதிக்க விடவும். மிளகு, சீரகப் பொடி சேர்த்து, பூண்டு தட்டிப் போடவும். கொதி வரும் போது அடுப்பை அணைத்து, காய்ந்த மிளகாய் தாளித்துக் கொட்டவும். கறிவேப்பிலை, கொத்தமல்லி சேர்த்து மூடி வைத்து, சிறிது நேரம் கழித்துப் பரிமாறவும்.