நெய்-முந்திரி அப்பம் (கோகுலாஷ்டமி)

என்னென்ன தேவை?

மைதா, பால், சர்க்கரை - தலா 1 கப், ஏலக்காய் -4 (பொடித்தது), முந்திரி - 6, தேங்காய் துருவல் - 1 கரண்டி, நெய் அல்லது எண்ணெய் - தேவைக்கேற்ப, பச்சைக் கற்பூரம் - ஒரு சிட்டிகை.

எப்படிச் செய்வது?

மைதா, சர்க்கரை, பால் மூன்றையும் ஒரு பாத்திரத்தில் விட்டுக் கரைத்து, ஏலக்காய் பொடி, உடைத்த முந்திரி, பச்சைக் கற்பூரம், தேங்காய் துருவல் எல்லாம் சேர்த்துக் கலக்கவும். பஜ்ஜி மாவு பதத்துக்கு இருக்க வேண்டும். அடுப்பை நிதானமாக எரியவிட்டு, நெய் அல்லது எண்ணெய் விட்டு சூடாக்கி, ஒரு கரண்டி மாவை விடவும். ஒரு பக்கம் நன்கு பொன்னிறத்தில் வெந்ததும், திருப்பி விட்டு, மறுபக்கமும் வேக விட்டு, வடித்து எடுக்கவும்.