கபாலீஸ்வரர் கோயில் தேரோட்டம்

மயிலாப்பூர் கற்பகாம்பாள் கபாலீஸ்வரர் கோயில் பங்குனித் திருவிழாவை முன்னிட்டு நேற்று தேரோட்டம் நடைபெற்றது.

கடந்த மாதம் 30ஆம் தேதி முதல் பங்குனித் திருவிழா நடந்து வருகிறது.

நேற்று கோயில் தேரோட்டம் நடைபெற்றது. நேற்று காலை 7 மணிக்கு தேர் வடம் பிடித்தல் தொடங்கியது. ஏராளமான பக்தர்கள் தேரோட்டத்தில் பங்கேற்றனர். தேர் நான்குமாட வீதிகள் வழியாக கோயிலை வலம் வந்தது.

மாலை 6 மணிக்குப் பிறகு தேரில் இருந்து கற்பகாம்பாள் உடனுறை கபாலீஸ்வரர் கோயிலுக்கு எழுந்தருளல் நிகழ்ச்சி நடைபெற்றது. பின்னர் ஐந்திருமேனிகள் விழா நடந்தது.