கை முறுக்கு

தேவையான பொருட்கள்:

பச்சரிசி - 4 ஆழாக்கு.
உளுந்தம் பருப்பு - 1 ஆழாக்கு.
தேங்காய் எண்ணை - தேவையான அளவு
உப்பு - தேவையான அளவு.
வெண்ணெய் - 100 கிராம்.

செய்முறை:

அரிசியை நன்றாக களைந்து தண்ணீர் ஊற்றி, ஊற வைத்து அதை எடுத்து நிழலில் உலர்த்தி, ஈரமாக இருக்கும் போதே மெஷினில் கொடுத்து மாவாக அரைத்துக் கொள்ளவும்.

உளுந்தம் பருப்பை வெறும் வாணலியில் வறுத்து ஆற வைத்து, அதையும் மெஷினில் மாவாக அரைத்துக் கொள்ளவும். இரண்டு மாவையும் சலித்து எடுத்துக் கொள்ளவும்.

சலித்த மாவை ஒரு பாத்திரத்தில் போட்டு, உப்புப் போட்டு வெண்ணெய் சேர்த்து பிசையவும். பிசைந்த மாவை எடுத்து கையால் முறுக்காகச் சுற்றவும்.

அடுப்பில் வாணலியை வைத்து எண்ணை ஊற்றி காய்ந்ததும், முறுக்குகளைப் போட்டு பொன்னிறமாக வேக வைத்து எடுக்கவும்.

நறுக்கான முறுக்கு தயார்.