சபரிமலை ஐயப்பன் கோயிலில் பங்குனி திருவிழா கொடியேற்றம்

திருவனந்தபுரம் : சபரிமலை ஐயப்பன் கோயிலில் பங்குனி உத்திர திருவிழா நேற்று கொடியேற்றத்துடன் தொடங்கியது. சபரிமலை ஐயப்பன் கோயிலில் 10 நாட்கள் நடக்கும் பங்குனி உத்திர திருவிழா நேற்று தொடங்கியது. இதையொட்டி காலை 5 மணிக்கு நடை திறக்கப்பட்டது.

தொடர்ந்து சுவாமிக்கு அபிஷேகம், கணபதிஹோமம் ஆகியவை நடந்தது. காலை 10 மணிக்கு பக்தர்கள் சுவாமியே சரணம் ஐயப்பா என்ற சரணகோஷம் முழங்க கோயில் தந்திரி கண்டரரூ ராஜீவரூ கொடியேற்றினார். பகல் 12 மணிக்கு சகஸ்ர கலசாபிஷேகமும் மாலையில் புஷ்பாபிஷேகம், படி பூஜை, அத்தாழபூஜை உள்ளிட்டவை நடந்தன.