செய்வினை கோளாறுகளால் பூர்வீக வீட்டையும் நிலத்தையும் விற்க முடியாமல் தடைகள் உள்ளன. இதனால் உறவுகளோடு மனஸ்தாபம் ஏற்படுகிறது. மனிதாபிமான அடிப்படையில் சிலருக்கு கடனாக நான் கொடுத்த பணம் பல வருடங்களாகியும் திரும்பி வரவில்லை. என் பிரச்னைகள் தீர தக்க வழி சொல்லுங்

உங்கள் ஜாதகத்தை ஆராய்ந்ததில் உங்களுக்கு இதுவரை செய்வினை எதுவும் செய்யப்படவில்லை என்றே தெரிகிறது. ஆகவே தடைகளுக்கும் மனஸ்தாபங்களுக்கும் செய்வினை காரணமல்ல. அப்படிப்பட்ட காரியங்கள் செய்பவர்கள் மிகமிக அரிதாகத்தான் இருக்கிறார்கள்.

ஏதோ கடைக்குச் சென்று பொருட்கள் வாங்கி வருவது போல செய்வினையைச் செய்ய முடியாது. பணம் கொடுத்து திரும்ப வரவில்லை என்று சொல்கிறீர்கள். ‘பாத்திரமறிந்து கொடுக்க வேண்டும்’ என்கிற வாக்கியத்தை இனிமேல் மறக்காதீர்கள்.

அண்ணன், தம்பிக்கு சொத்து பிரித்தாலும் சட்ட ரீதியாகத்தான் பிரிக்கிறார்கள். கடன் கொடுத்து உதவினாலும் நாலு வார்த்தை எழுதி வாங்கிக் கொள்ளுங்கள்.

6 செவ்வாய்க்கிழமைகள் முருகனுக்கு சிவப்பு அரளிப் பூவைக் கொண்டு சஹஸ்ரநாம அர்ச்சனை செய்யுமாறு அர்ச்சகரைக் கேட்டுக் கொள்ளுங்கள். நேரம் கிடைக்கும்போதெல்லாம் கந்த புராணம் படியுங்கள். கொடுத்த பணம் தானாகத் திரும்ப வரும்.