தயிர் சாண்ட்விச் தயிர் சாண்ட்விச்

தேவையான பொருட்கள்:

கோதுமை பிரெட் ஸ்லைஸ் – 10
தயிர் – ஒரு கப்
வெள்ளரிக்காய் - 1
தக்காளி – 1
புதினா - அரை கப்
கொத்தமல்லி - அரை கப்
பச்சை மிளகாய் - ஐந்து
சாட் மசாலா - அரை டீஸ்பூன்
சீரகத்தூள் – அரை டீஸ்பூன்
உப்பு – தேவையான அளவு

செய்முறை:

* வெள்ளரிக்காய், தக்காளியை மெல்லிய வட்டமான துண்டுகளாக நறுக்கிக்கொள்ளவும்.

* பிரெட் ஸ்லைஸின் ஓரங்களை வெட்டி எடுத்து விடவும்.

* கொத்தமல்லி, புதினா, பச்சை மிளகாய், உப்பு சேர்த்து நன்கு அரைத்துக் கொள்ளவும்.

* ஒரு பிரெட் ஸ்லைஸின் மீது, புதினா, பச்சை மிளகாய் சட்னியைப் பரவலாகத் தடவவும். பிறகு, நறுக்கிய வெள்ளரி, தக்காளித் துண்டுகளை அதன் மேல் வைத்து, மற்றொரு ஸ்லைஸால் மூடவும்.

* இதேபோல் எல்லா பிரெட் ஸ்லைஸ்களையும் தயார் செய்து வைத்துக்கொள்ளவும்.

* தயிருடன், தேவையான அளவு உப்பு சேர்த்து நன்கு கலந்து தயார் செய்து வைத்துள்ள ஸ்லைஸ்கள் மேல் தயிரை கொஞ்சம் கொஞ்சமாக விட்டு, பின் அதன் மேல் சாட் மசாலா, சீரகத்தூள், கொத்தமல்லி தழை தூவி பரிமாறவும்.