தயிர் சாண்ட்விச்

தேவையான பொருட்கள்....


பிரெட் ஸ்லைஸ் – 10

புளிக்காத தயிர் – ஒரு கப்

வெள்ளரிக்காய், தக்காளி – தலா 1

புதினா, பச்சை மிளகாய், உப்பு சேர்த்து அரைத்த சட்னி – 3 டேபிள்ஸ்பூன்
சாட் மசாலா, சீரகத்தூள் – தலா அரை டீஸ்பூன்

உப்பு – தேவையான அளவு.


செய்முறை....

• வெள்ளரிக்காய், தக்காளியை மெல்லிய வட்டமான துண்டுகளாக நறுக்கவும்.

• பிரெட் ஸ்லைஸின் ஓரங்களை நறுக்கவும்.

• ஒரு பிரெட் ஸ்லைஸின் மீது, புதினா – பச்சை மிளகாய் சட்னியைப் பரவலாகத் தடவவும்.

• பிறகு, நறுக்கிய வெள்ளரி, தக்காளித் துண்டுகளை அதன் மேல் வைத்து, மற்றொரு ஸ்லைஸால் மூடவும்.

• இதேபோல் எல்லா பிரெட் ஸ்லைஸ்களையும் தயார் செய்து கொள்ளவும்.

• தயிருடன், உப்பு சேர்த்து நன்கு கலந்து தயார் செய்து வைத்துள்ள ஸ்லைகள்
மேல் கொஞ்சம் கொஞ்சமாக விட்டு, சாட் மசாலா, சீரகத்தூள் தூவி பரிமாறவும்.