கோவைக்காய் தயிர் பச்சடி

தேவையான பொருட்கள்:

கோவைக்காய் - 50 கி
தயிர் - 1 கப்
உப்பு - தேவையான அளவு
கடுகு - சிறிதளவு
சின்ன வெங்காயம் - 10
பச்சை மிளகாய் - 2
பூண்டு - 2 பல்லு
கொத்தமல்லி - சிறிதளவு

செய்முறை:

* கோவைக்காய், பச்சை மிளகாய், சின்ன வெங்காயம் ஆகியவற்றை கழுவி பொடியாக நறுக்கிக் கொள்ளவும்.

* பூண்டை நசுக்கிக் கொள்ளவும்.

* கடாயில் கடுகு தாளித்து கோவைக்காய், பச்சை மிளகாய், சின்ன வெங்காயம், பூண்டு போட்டு 5 நிமிடம் வதக்க வேண்டும்.

* பின் அதில் தேவையான அளவு உப்பு சேர்த்து, இந்த கலவையை தயிரில் போட்டு கலக்கவும்.

* பின் கொத்தமல்லி தழை சேர்த்து பரிமாறவும்.

* இந்தப் பச்சடி, சாதத்துக்கும், சப்பாத்திக்கும் தொட்டுக் கொள்ள நன்றாக இருக்கும்.