நெல்லிக்காய் தயிர் பச்சடி

தேவையான பொருட்கள்:

நெல்லிக்காய் – 6
தயிர் – 1 கப்
பச்சை மிளகாய் – 1
இஞ்சி – ஒரு சிறு துண்டு
உப்பு – தேவைக்கேற்றவாறு
நல்லண்ணெய் – 1 டீஸ்பூன்
கடுகு – 1/2 டீஸ்பூன்
உளுத்தம் பருப்பு – 1 டீஸ்பூன்
பெருங்காயத்தூள் – ஒரு சிட்டிகை

செய்முறை:

• நெல்லிக்காயை கழுவி, சிறு துண்டுகளாக நறுக்கி, கொட்டையை நீக்கி விடவும். நெல்லிக்காய் துண்டுகளுடன், பச்சை மிளகாய், இஞ்சி ஆகியவற்றைச் சேர்த்து அரைத்துக் கொள்ளவும்.

• தயிரை நன்றாகக் கடைந்து அதில் அரைத்த விழுதையும் உப்பையும் சேர்த்து நன்றாகக் கலக்கவும்.

• வாணலியில் எண்ணை விட்டு, சூடானதும் கடுகு போட்டு வெடித்தவுடன், உளுத்தம் பருப்பு, பெருங்காயத்தூள் சேர்த்து தாளித்து, பச்சடியில் கொட்டிக் கலக்கவும்.