சுரைக்காய் தயிர் பச்சடி

தேவையான பொருட்கள்:

சுரைக்காய் ( தோல், விதை நீக்கி சிறியதாக நறுக்கியது) – 1 கப்
கெட்டித் தயிர் – 1 கப்
தேங்காய்த்துருவல் – 2 டேபிள்ஸ்பூன்
பச்சைமிளகாய் – 2 அல்லது 3
சீரகப்பொடி – 1/2 டீஸ்பூன்
உப்பு – 1/2 டீஸ்பூன்
நல்லெண்ணெய் – 1 டீஸ்பூன்
கடுகு – 1/2 டீஸ்பூன்
கொத்தமல்லித் தழை – சிறிது
செய்முறை:

தேங்காய்த்துருவலையும், பச்சைமிளகாயையும் நன்றாக அரைத்துக் கொள்ளவும்.
ஒரு வாணலியில் எண்ணை விட்டு கடுகு போடவும் கடுகு வெடித்தவுடன், நறுக்கிய காயைப்போட்டு, அத்துடன் அரைத்து வைத்துள்ள தேங்காய் விழுது, உப்பு சேர்த்து, சிறிது வதக்கி, ஒரு கை நீர்த்தெளித்து, சிறு தீயில் வேகவிடவும். காய் சிறிது வெந்தவுடன் (குழையத் தேவையில்லை), அடுப்பை அணைத்து விடவும். ஆறியவுடன், தயிரில் கொட்டிக் கிளறவும். சீரகத்தூள், கொத்துமல்லித்தழை தூவி பரிமாறவும்.