கேழ்வரகு இடியாப்ப உப்புமா

தேவையானவை:

கேழ்வரகு மாவு - ஒரு கப்
வெங்காயம் - ஒன்று
பச்சை மிளகாய் - 2
கறிவேப்பிலை, கொத்தமல்லித்தழை - சிறிதளவு
கடுகு, பெருங்காயத்தூள், உப்பு - தேவையான அளவு
எண்ணெய் - 2 ஸ்பூன்

செய்முறை:

• வெங்காயம், பச்சை மிளகாயை பொடியாக நறுக்கிக்கொள்ளவும்.

• வெறும் கடாயில் கேழ்வரகு மாவை வறுக்கவும்.

• மாவு ஆறிய பின் எண்ணெய், உப்பு சேர்த்துப் பிசிறவும்.

• இதனுடன் கை பொறுக்கும் அளவு சூடான வெந்நீர் விட்டு பிசைந்து இடியாப்ப அச்சில் பிழிந்து, ஆவியில் வேகவிடவும்.

• கடாயில் எண்ணெயை காய வைத்து கடுகு, பெருங்காயத்தூள், கறிவேப்பிலை போட்டு தாளித்து பச்சை மிளகாய், பொடியாக நறுக்கிய வெங்காயம் சேர்த்து வதக்கவும்.

* ஆவியில் வேக வைத்த கேழ்வரகு சேவை, உப்பு சேர்த்துக் கிளறி இறக்கி, கொத்தமல்லித்தழை தூவி பரிமாறவும்.

குறிப்பு: விரும்பினால் காய்கறிகள் சேர்த்து வதக்கலாம்.