உருளைக்கிழங்கு பச்சடி

தேவையான பொருள்கள்:


உருளைக்கிழங்கு - கால் கிலோ

தயிர் - 100 கிராம்
பச்சை மிளகாய் - 3

சின்ன வெங்காயம் - 50 கிராம்

இஞ்சி - சிறிது
சீரகப்பொடி - அரை ஸ்பூன்
பெருங்காயப் பொடி - சிறிது

கடுகு - அரை ஸ்பூன்

உளுத்தம் பருப்பு - 1 ஸ்பூன்

மிளகாய் வற்றல் - 2

எண்ணெய் - 2 ஸ்பூன்
உப்பு - தேவையான அளவு

கொத்தமல்லி தழை - சிறிதளவு


செய்முறை:


• உருளைக்கிழங்கை வேக விட்டு உரித்துக் கொண்டு மசித்துக் கொள்ளவும்.

• வெந்த உருளைக்கிழங்கோடு உப்பு, சீரகப்பொடி, பெருங்காயப்பொடி கலந்து மசிக்கவும்.

• தயிரைக் கடைந்து வைக்கவும்.

• சின்ன வெங்காயம், பச்சை மிளகாய், இஞ்சி தோல் நீக்கி பொடியாக நறுக்கவும்.


• வாணலியில் எண்ணெய் விட்டு உளுத்தம் பருப்பை சேர்த்து வறுத்து பின்னர் கடுகு, கறிவேப்பிலை, மிளகாய் வற்றல் சேர்த்து தாளிக்கவும்.

• இதோடு நறுக்கிய வெங்காயம், பச்சை மிளகாய், இஞ்சி சேர்த்து வதக்கவும்.


• அடுத்து மசிந்த உருளைக்கிழங்கைப் போட்டு லேசாகக் கலக்கவும்.

• இதனோடு கடைந்த தயிர், கொத்தமல்லி தழை சேர்த்து இறக்கவும்.


• சுவையான உருளைக்கிழங்கு பச்சடி தயார்.