இயற்கை அழகு குறிப்புகள்

* பச்சை கொத்தமல்லி அல்லது புதினாவை நன்றாக அரைத்து
முகத்தில் பூசி சிறிது நேரம் கழித்து முகத்தை கழுவி வந்தால் முக வறட்சி
நீங்கும்.

* முகப்பருவால் ஏற்படும் கரும்புள்ளி மறைய ஜாதிக்காயை அரைத்துப் போட்டால் நல்ல பலன் கிடைக்கும்.

* பூண்டு அல்லது கருந்துளசியை அரைத்துப் போட நாளடைவில் முகப்பரு மறையும்.

* புதினா கீரையைக் காய வைத்து பொடி செய்து பல் துலக்கி வந்தால் வாய் நாற்றமின்றிப் பல் பளிச்சென்றிருக்கும்.

* இரவு நேரத்தில் பச்சை கேரட்டை மென்று தின்றால் பல் உறுதியடைவதுடன், பல் வெண்மை அடையும்.

* உதட்டில் தேங்காய் எண்ணெய் தடவி வந்தால் ஷைனிங்காக இருக்கும்.

*
பாத்திரம் தேய்ப்பதால் ஏற்படும் கை வெடிப்புகளுக்கு உருளைக்கிழங்கை வேக
வைத்து பொடித்து கைகளில் தேய்த்து வந்தால் கை மிருதுவாக இருக்கும்.

* நகங்களில் சிதைவு ஏற்படாமலும், வெண்மையாகவும் இருக்க சூரியகாந்தி எண்ணெயை கை, கால் நகங்களில் தடவ வேண்டும்.

*
ஆவாரம் பூவை நிழலில் உலர்த்தி, சமமான அளவு பயத்தம் மாவு கலந்து அரைத்து
தினமும் தேய்த்துக் குளித்து வந்தால் வியர்வை நாற்றம் அகலும்.

* பப்பாளிக் காயை பொறியலோ, குழம்பு வைத்தோ வாரம் இரண்டு முறை சாப்பிட்டு வந்தால் உடல் பருமன் குறையும்.

*
பாதத்தில் உள்ள வெடிப்பு நீங்க விளக்கெண்ணை ஒரு ஸ்பூன், பன்னீர் இரண்டு
ஸ்பூன், எலுமிச்சம் சாறு ஒரு ஸ்பூன் மூன்றையும் கலந்து வெந்நீரில் பத்து
நிமிடம் காலை ஊறவிட்டு, பின்பு இக்கலவையைப் பூசிவர வெடிப்பு நீங்கும்.