ராணி வேடத்தில் நடிக்க வாள் சண்டை கற்கும் நடிகை அனுஷ்கா.

நடிகை அனுஷ்கா ‘அருந்ததி’ படம் மூலம் பிரபலமானார். தற்போது தமிழ், தெலுங்கில் பிசியான நடிகையாகிவிட்டார். சூர்யா ஜோடியாக ‘சிங்கம் 2’ படத்தில் நடித்து வருகிறார்.

அடுத்து தெலுங்கு, தமிழில் தயாராகும் ‘ருத்ரமாதேவி’ படத்தில் நடிக்கிறார். இப்படம் ராணி ‘ருத்ரமாதேவி’யை பற்றிய வரலாற்று கதையாகும். இதில் அனுஷ்கா ராணி வேடத்தில் வருகிறார். ராணா, அஞ்சலி போன்றோரும் இதில் நடிக்கின்றனர். இளையராஜா இசையமைக்கிறார்.

இப்படத்தில் அனுஷ்கா எதிரி மன்னர்களை போரில் வீழ்த்தும் துணிச்சலான ராணி வேடத்தில் வருகிறார். இதில் வாள் சண்டை காட்சிகள் அதிகம் உள்ளன. இதற்காக அனுஷ்கா வாள் சண்டை கற்று வருகிறார். பிரபல ஸ்டண்ட் கலைஞர்கள் அவருக்கு வாள் பயிற்சி அளிக்கிறார்கள். அத்துடன் குதிரை சவாரியும் கற்கிறார். ஓடும் குதிரையில் தாவி ஏறுவது பற்றியும் பயிற்சி எடுக்கிறார். கத்திச் சண்டை போடவும் கற்று வருகிறார்.