தமிழ்,தெலுங்கில் தயாராகும் சரித்திர படத்தில் நடிகை அனுஷ்கா: ராணி ருத்ரமாதேவி வேடத்தில் நடிக்கிறார்

ஆந்திராவின் பெரும் பகுதியை 1259 முதல் 1289 வரை ஆட்சி செய்த வீராங்கணை ராணி ருத்ர மாதேவி படைகளை திரட்டி எதிரிகளுடன் வீரதீரத்தோடு போரிட்டு வீழ்த்திய பெருமை இவருக்கு உண்டு.

ராணி ருத்ரமாதேவியின் வாழ்க்கையை டைரக்டர் குணசேகர் படமாக்குகிறார். தமிழ், தெலுங்கு மொழிகளில் இப்படம் தயாராகிறது. இதில் ராணி ருத்ரமாதேவி வேடத்தில் நடிக்க அனுஷ்கா தேர்வாகியுள்ளார்.

இவர் ஏற்கனவே அருந்ததி படத்தில் பிரபலமானவர். சிம்புவுடன் வானம், விக்ரமுடன் தெய்வத்திருமகள் படங்களிலும் நடித்தார். ராணி ருத்ரமாதேவி வேடத்துக்கு நயன்தாரா, அனுஷ்கா இருவரும் பரிசீலிக்கப்பட்டனர்.
இறுதியில் அனுஷ்காவை ஒப்பந்தம் செய்துள்ளனர்.

நவீன தொழில் நுட்பத்தில் மெகா பட்ஜெட்டில் இப்படத்தை எடுக்கின்றனர். இப்படத்துக்கு இளைய ராஜா இசையமைக்கிறார். ஆர்ட் டைரக்டர் தோட்டா தரணி அரண்மனை அரங்குகள் அமைக்கிறார்.