பட்டய கிளப்ப வருகிறார் பலே பாண்டியா விஷ்ணு

சீனுராமசாமி இயக்கத்தில் விஷ்ணு நடித்த படம் நீர்ப்பறவை. இந்த படத்தில் குடிகாரன் வேடத்தில் நடித்த அவர், தனது கேரியரில் மிக முக்கியமான படமாக இருக்கும் என்று கருதி இந்த படத்துக்காக நிறையவே கஷ்டப்பட்டார். படகு பயிற்சி, கடலுக்குள் சென்று வலை வீசி மீன் பிடிப்பது என்றெல்லாம் முறையாக பயிற்சி எடுத்து நிஜ மீனவனாகவே மாறினார். என்றாலும் எந்த புண்ணியமும் இல்லை. படம் சரியாக போகாததால் அப்பட நாயகி, ஆந்திராவுக்கே சென்று விட்டார். ஆனால் அடுத்தபடியாக படமே இல்லாத நிலைக்கு தள்ளப்பட்டிருந்தார் விஷ்ணு. தினமொரு கம்பெனி, தினமொரு இயக்குனர் என்று சந்தித்து சான்ஸ் கேட்டு வந்தார். ஆனால் யாரும் அவரை வைத்து படம் பண்ண முன்வரவில்லை.

அதனால், நீர்ப்பறவை படத்தில் உதவி இயக்குனராக பணியாற்றிய விஷ்ணுவின் மனைவியான ரஜினிகூட கணவருக்காக கதை ரெடி பண்ணி அவரை வைத்து படம் பண்ண தயாராகி வந்தார். ஆனால் அந்த நேரம் பார்த்து, விஜய்யை வைத்து சுறா படத்தை எடுத்து எஸ்.பி.ராஜ்குமார் தான் இயக்கும் காமெடி படத்தில் நடிக்க விஷ்ணுவை அழைத்தார். அதனால் மனைவியிடம், நம்ம கச்சேரிய அப்புறமா வச்சிக்கலாம் என்று அந்த படத்தை தள்ளி வைத்து விட்டு, அவரிடத்தில் கதைகூட கேட்காமல் உடனே கமிட்டாகி விட்டார் நடிகர்.

ஏற்கனவே பலே பாண்டியா என்றொரு படத்தில் நடித்த விஷ்ணு, எஸ்.பி.ராஜ்குமார் இயக்கத்தில் பட்டய கிளப்பு பாண்டியா என்ற படத்தில் நடிக்கிறாராம். இதில் ஒரு முன்னணி நாயகி நடித்தால் கமர்சியலுக்கு பயனுள்ளதாக இருக்கும் என்று முன்வரிசை நடிகைகளிடம் கேட்டுப்பார்த்தார்களாம். ஆனால் விஷ்ணு ஹீரோ என்றதும் யாரும் உடன்படவில்லையாம். அதனால் இப்போது தமிழில் படமே இல்லாமல் ஆந்திர கரையோரம் ஒதுக்கிய ஓவியாவை புக் பண்ணியுள்ளனர்