விஷ்ணு நடிக்கும் பட்டைய கிளப்பு பாண்டியா

விஜய் படத்தை இயக்கியவர்கள் இப்போது என்ன செய்து கொண்டிருக்கிறார்கள் என்று தேடினால் எந்தவொரு செய்தியும் கிடைப்பதில்லை. அப்படியே அமுங்கிப் போயிருப்பார்கள். அவர்களில் ஒருவர் நீண்ட வனவாசத்துக்குப் பிறகு படம் இயக்குகிறார். அவர் சுறா-வை இயக்கிய எஸ்பி.ராஜ்குமார்.

சுறா-வுக்குப் பிறகு அழகிய தமிழ்மகன், வேட்டைக்காரன் இயக்குனர்களைப் போலவே காணாமல் போனவர்கள் லிஸ்டில் சேர்ந்தார் ராஜ்குமார். ஏற்கனவே பல படங்கள் எடுத்தவர் என்பதால் சில வருட தாமதத்துக்குப் பின் மீண்டிருக்கிறார். இந்தமுறை தனது ஏரியாவான காமெடியில் கலக்கயிருக்கிறார்.

பட்டைய கிளப்பு பாண்டியா என்று பெயரிடப்பட்டிருக்கும் இந்தப் படத்தில் விஷ்ணு ஹீரோவாக நடிக்கிறார். ஹீரோயினாக நடிப்பவர் ஓவியா.

விரைவில் படப்பிடிப்பு தொடங்கயிருக்கிறது.