அமைதிப்படை 3ம் பாகம் .

சென்னை : மணிவண்ணன் இயக்கத்தில் சத்யராஜ் நடிக்கும் படம், ‘நாகராஜசோழன் எம்.ஏ., எம்.எல்.ஏ’. சீமான், கோமல் சர்மா, மிருதுளா உட்பட பலர் நடிக்கின்றனர். இதை வி ஹவுஸ் புரொடக்ஷன்ஸ் தயாரிக்கிறது. இதன் தயாரிப்பாளர்களில் ஒருவரான சுரேஷ் காமாட்சி, நிருபர்களிடம் கூறியதாவது: 94,ல் ரிலீசான ‘அமைதிப்படை’யின் 2ம் பாகம் இது. துணை முதல்வராகவும், பிறகு முதல்வராகவும் பதவி வகிக்கும் சத்யராஜுக்கும்,

மலைவாழ் மக்களுக்கும் ஏற்படும் மோதல்தான் கதை. காட்டிலுள்ள மரங்களை அழித்து, வெளிநாட்டு நிறுவனத்துக்கு தாரை வார்க்க துடிக்கிறார் சத்யராஜ். மலைவாழ் மக்களுக்காகப் போராடும் லாரி டிரைவர் சீமான், அதை எப்படி முறியடிக்கிறார் என்பது கதை. படம் அடுத்த மாதம் ரிலீஸ் ஆகிறது. ஒவ்வொரு காட்சியும் மிரட்டலாக இருக்கும். இந்தப்படத்தின் 3ம் பாகத்தை உருவாக்கும் வகையில், தொடர் கிளைமாக்ஸ் அமைக்கப்பட்டுள்ளது.