காட்டுக்குப் போன அமைதிப்படை

எல்லோருக்கும் மகிழ்ச்சியை தந்த அமைதிப்படை ஒன்று உண்டென்றால் அது மணிவண்ணனின் அமைதிப்படையாகவே இருக்கும். அதன் இரண்டாம் பாகம் நாகராஜசோழன் எம்.ஏ., எம்.எல்.ஏ.-யின் படப்பிடிப்பு நடந்து வருகிறது.

முந்தைய பாகத்தின் ஹீரோ சத்யராஜுடன் சீமானும் இணைந்து கூட்டணி இப்போது டபுள் ஸ்ட்ராங்க்.

மணிவண்ணனுக்கு நாட்டு நடப்புகள் மீது சரமா‌ரியான கோபம் இருக்கிறது. அமைதிப்படையை எடுத்தபோது இருந்த சூழலைவிட இப்போது அரசியலும் ச‌ரி சமூகமும் ச‌ரி சீரழிந்துவிட்டதாக அவரே தெ‌ரிவித்திருக்கிறார். நாட்டு நடப்பு மீதான கோபத்தாலா தெ‌ரியவில்லை, மொத்த யூனிட்டையும் காட்டுக்கு அழைத்து வந்திருக்கிறார்.

குற்றாலம் பகுதியிலுள்ள காட்டுப் பகுதிகளில் நாகராஜசோழனின் படப்பிடிப்பு நடந்து வருகிறது. பாதுகாக்கப்பட்ட வனப்பகுதியில் படப்பிடிப்பு நடத்த தகுந்த அனுமதியுடனே காடு ஏகியிருக்கிறார் மணிவண்ணன்.

படத்தைப் பற்றிய கொசுறு செய்தி. சத்யரா‌ஜ் இதில் துணை முதல்வராக வருகிறார்.
அமைதிப்படை 2, மணிவண்ணன்