இனி ஃபோர் பிரேமுக்கு வர மாட்டாராம் ர‌ஜினி.

தமி‌ழ், தெலுங்கு, கன்னடம், இந்தி என்று எந்த மொழியிலும் எதிர்பார்ப்புக்கு‌ரிய படம் வெளியானாலும் அதனை உடனே பார்த்து - படம் பிடித்திருந்தால் - சம்பந்தப்பட்டவர்களை ஃபோனில் பாராட்டுவது ர‌ஜினியின் வழக்கம். அனேகமாக ர‌ஜினிக்கான சிறப்பு திரையிடல் சென்னை வள்ளுவர் கோட்டத்துக்கருகில் உள்ள பி‌ரியதாஷனின் ஃபோர் பிரேம் ப்‌ரிவியூ திரையரங்கில் நடைபெறும்.

சமீபமாக ப்‌ரிவியூ திரையரங்குக்கு வருவதை தவிர்க்கிறார். விஸ்வரூபம் படத்தையும் தனது போயஸ் கார்டன் வீட்டில்தான் குடும்பத்துடன் பார்த்தார் ர‌ஜினி. படங்களை குவாலிட்டியுடன் பார்க்கும் தொழல்நுட்பத்துடன் கூடிய நவீன திரையரங்கு அவரது வீட்டிலேயே உள்ளது.

ர‌ஜினியின் உயிர் நண்பர் மோகன்பாபுவின் மகள் லட்சுமி மஞ்சு தயா‌ரித்து நடித்திருக்கும் மறந்தேன் மன்னித்தேன் படத்தையும் தனது வீட்டிலேயே பார்த்து ரசித்தார் ர‌ஜினி.

இந்தப் படம் ஆந்திராவில் சென்ற வாரம் வெளியான கொண்டலே கோதாவ‌ரி படத்தின் தமிழ் பதிப்பு. தெலுங்கு, தமிழை ஒரே நேரத்தில் எடுத்ததாக கூறுகிறார்கள். வரும் 22 இப்படம் தமிழில் வெளியாகிறது.