விமல் ஜோடி சுனேனா...

சீனு ராமசாமியின் நீர்ப்பறவை அதன் உள்ளடக்கத்துக்கேற்ற வரவேற்பை பெறவில்லை. இதில் அதிகம் பாதிக்கப்பட்டவர் சுனேனா. கறுப்பு மேக்கப்பில் கடல்புரத்து எஸ்தராகவே வாழ்ந்திருந்தார்.

அதன் பிறகு நடித்த சமரும் காலைவார அடுத்து என்ன செய்வது என்று திக்கு தெ‌ரியாத நிலையில் சீனு ராமசாமியே அழைத்து வாய்ப்பு தந்திருக்கிறார். கமர்ஷிலை கொஞ்சம் அதிகம் கலந்து அவர் எடுக்கப் போகிற புதிய படத்தில் இரண்டு ஹீரோக்கள். விமல், விஜய் சேதுபதி. விஜய் சேதுபதி தென்மேற்குப் பருவக்காற்றில் சீனுவால் அறிமுகப்படுத்தப்பட்டவர். விமல் நீர்ப்பறவைக்காக அணுகப்பட்டு, கால்ஷீட் பிரச்சனையால் நீர்ப்பறவையில் நடிக்க முடியாமல் போனவர்.

இவர்கள் இணையும் படத்தில் விமல் ஜோடியாக சுனேனாவை ஒப்பந்தம் செய்திருக்கிறார் சீனு. விஜய் சேதுபதிக்கு ஜோடி தேடும் படலம் நடக்கிறது. கமர்ஷியல் ஹிட்டாக்க வேண்டும் என்ற முனைப்பில் இந்தப் புதிய படத்தின் கதையை சீனு உருவாக்கியுள்ளார்.