த்‌ரிஷா, சுனேனா – ஒன்று சேராத ஹீரோயின்கள்

இரண்டு நடிகைகள் சேர்ந்து நடித்தால் ரத்த ஆறு ஓடாதே தவிர சத்த ஆறு தாராளமாகவே ஓடும். இவர்களின் சண்டையை சமாதானத்துக்கு கொண்டுவர இயக்குனர் படும்பாடு இருக்கிறதே…

ஆனால் சமரன் படத்தில் இயக்குனர் திருவுக்கு இந்த‌த் திருவிளையாடல் தொல்லையில்லை. உஷாராக உருவாக்கிய ஸ்கி‌ரிப்ட் அவரை காப்பாற்றியிருக்கிறது.

விஷால் நடிக்கும் இந்தப் படத்தில் த்‌ரிஷாவுடன் சுனேனாவும் நடிக்கிறார். ஆனால் கதைப்படி இருவருக்கும் இணைந்து நடிக்கும் காட்சிகள் இல்லை. மாயா என்ற வெளிநாட்டில் வேலை பார்க்கும் பெண்ணாக த்‌ரிஷா நடிக்கிறார். இவர் சம்பந்தப்பட்ட காட்சிகளை பாங்காக்கில் எடுத்திருக்கிறார்கள். சுனேனா ஊட்டியைச் சேர்ந்த பணக்கார பெண்ணாக வருகிறார். இவர் சம்பந்தப்பட்ட காட்சிகளை ஊட்டியில் எடுத்திருக்கிறார்கள். இருவரும் இணைந்து ஒரு காட்சியில்கூட வரப் போவதில்லையாம்.

இரண்டு ஹீரோயினை வைத்து படம் பண்ணுகிறவர்கள் திருவின் திரைக்கதை யுக்தியை பின்பற்றலாம்.