கிளாமருக்கு நான் ரெடி - சுவா‌தி

நடிகை சுவாதி தமிழில் அறிமுகமான படம் ராட்டிணம் ஒரளவுக்கு பேசப்பட்ட படம் என்றாலும், பெரிய படங்கள் எதுவும் வரவில்லை. அடுத்தடுத்து வந்த மன்னாரு, ஒருவர் மீது இருவர் சாய்ந்து போன்ற படங்களும் எதிர்பார்த்த அளவுக்கு வெற்றிப் படமாக அமையவில்லை.

அது மட்டுமில்லாமல் ஷூட்டிங்கின் போது தாவணி, சுடிதார் போன்ற உடைகளை மட்டும்தான் போட்டு நடிப்பேன். உடல் தெரியும்படியான ஆடைகளை போடமாட்டேன் என்று அடம் பிடித்து,ஷூட்டிங்கை நிறுத்தியதை எல்லாம் நினைத்துப் பார்த்தபோதுதான், வாய்ப்பு வராததற்கான காரணம் புரிந்திருக்கிறது.

இனி கதைக்கு தேவைப்படும் கிளாமர் காட்டினால்தான் சினிமாவில் இருக்க முடியும் என்பதை உணர்ந்திருக்கிறார். அதனால் உடனடியாக பிரஸ் மீட்டுக்கு ஏற்பாடு செய்து 'கிளாமருக்கு நான் ரெடி' என பேட்டி கொடுத்திருக்கிறார் சுவாதி.