சர்வசக்தி மாரியம்மன் கோயில் கும்பாபிஷேகம்

திருவொற்றியூர்: மணலி அருகே மாத்தூர் எம்எம்டிஏ பகுதியில் உள்ள ஸ்ரீசர்வ சக்தி மாரியம்மன் கோயில் ரூ.80 லட்சம் செலவில் புதிதாக கட்டப்பட்டு இன்று கும்பாபிஷேகம் நடத்தப்பட்டது. நேற்று முன்தினம் கணபதி ஹோமத்துடன் விழா தொடங்கியது. இன்று அதிகாலையில் நடை திறக்கப்பட்டு யாக சாலையில் சிறப்பு பூஜைகள் நடத்தப்பட்டது. விநாயகர், மாரியம்மன், சிவனுக்கு சிறப்பு பூஜை நடந்தது. காலை 7 மணிக்கு கோபுரங்களுக்கு ஜம்புநாத சிவாச்சாரியார் புனிதநீர் ஊற்றினார். இதில் ஏராளமான பக்தர்கள் கலந்து கொண்டு தரிசனம் செய்தனர். பக்தர்கள் மீது புனித நீர் தெளிக்கப்பட்டது. இதை தொடர்ந்து பக்தர்களுக்கு அன்னதானம் வழங்கப்பட்டது. மணலி மண்டல குழு தலைவர் தங்கசிவம், கவுன்சிலர் பார்த்திபன், நிர்வாகிகள் துரைராஜ், கோவிந்தன் உள்பட பலர் கலந்து கொண்டனர்.