ஹபாரா மட்டன்

தேவையான பொருட்கள்

மட்டன் – 1/2 கிலோ
சாம்பார் வெங்காயம் – 200 கிராம் (நறுக்கியது)
தக்காளி – 200 கிராம் (நறுக்கியது)
பச்சைமிளகாய் – 6 (நறுக்கியது)
தயிர் – 1/2 டேபிள் ஸ்பூன்
கொத்தமல்லி இலை – 1/2 கட்டு
புதினா – 1/2 கட்டு
தேங்காய் – 1/2 மூடி
கசகசா – ஒரு டீஸ்பூன்
உப்பு, எண்ணெய் – தேவைக்கேற்ப

தாளிக்க

சோம்பு – 1 டீஸ்பூன்
பட்டை, லவங்கம் – தலா 2

செய்முறை

* மட்டனை சுத்தம் செய்து நறுக்கி வேக வைக்கவும்.

* தேங்காய், கசகசாவை அரைத்துக் கொள்ளவும். கொத்தமல்லி இலை, புதினா இலையை விழுதாக்கவும்.

* கடாயில் எண்ணெய் ஊற்றி காய்ந்ததும், சோம்பு, பட்டை, லவங்கம் சேர்த்து தாளிக்கவும்.

* பின் வெங்காயம், தக்காளி, மட்டன் இவற்றை ஒன்றன்பின் ஒன்றாகச் சேர்க்கவும்.

* இப்போது அரைத்த தேங்காய் விழுது, கொத்தமல்லி இலை, புதினா விழுது இவற்றைச் சேர்த்து போதுமான உப்பு சேர்க்கவும்.

* மட்டன், இந்த கலவையுடன் சேர்ந்து நன்கு வெந்ததும், தயிரை ஊற்றி சிறிது நேரம் குறைந்த தீயில் வைத்திருந்து இறக்கவும்.