சென்னையில் வெற்றிபெற்ற ஈழத்திரைப்படங்கள்: சமூக அவலம் பேசிய எலிகள் - Think Out Of The Box - 7

வெளியுலகத்துடனான தொடர்புகள் அற்றிருந்த அக்காலங்களில் அவை மிகப்பெரிய திறந்தவெளிச் சிறைக் கூடங்களாகவே இருந்தன. அவற்றுள் நடந்த துன்பங்கள் வெளிவர முடியாதிருந்த இறுக்கமான நிலை. எல்லோரும் மௌனித்திருந்த நிலையில், அம் முகாம்களுக்குள் நுழைந்த இரு எலிகள், அங்கு நடைபெறும் கொடுமைகளை வெளியுலகத்திடம் பேசின.

இவ்வாறு இரு எலிகளின் நகர்வில், ஒரு சமுகத்திற்கு இழைக்கப்பட்ட கொடுமைகளை வெளிப்படுத்திய சிந்தனை குறித்து இக் குறும்படத்தின் இயக்குனர் தமிழியம் சுபாஸிடம் கேட்டால் அவரும் சொல்லக் கூடிய பதில் 'Think Out Of the Box' என்பதாகத்தான் இருக்கும்.

இரு வருடங்களுக்கு முன் ஒரு சமுகத்தின் அவலத்தை வித்தியாசமாக வெளிப்படுத்திய அக் குறும்படம் இன்று முதல் இணையத்தில் இலவசமாகக் காணமுடிகிறது.