சந்தானத்துடன் மோதலா?: சிவகார்த்திகேயன்

நடிகர் சிவகார்த்திகேயன் சென்னையில் இன்று நிருபர்களுக்கு பேட்டி அளித்தார். அவர் கூறியதாவது:-

நான் நடித்த ‘கேடி பில்லா கில்லாடி ரங்கா’ படம் வெற்றிகரமாக ஓடுகிறது. வசூலிலும் சாதனை படைத்துள்ளது. எனக்கும், சந்தானத்துக்கும் மோதல் என்றும், எனவே இருவரும் சேர்ந்து நடிக்க மறுக்கிறோம் என்றும் செய்திகள் பரவியுள்ளன. இதில் உண்மை இல்லை.

எங்களுக்குள் எந்த பிரச்சினையும் இல்லை. வாய்ப்புகள் அமைந்தால் சேர்ந்து நடிப்போம். காமெடியில் கவுண்டமணி, செந்தில், விவேக் உள்ளிட்ட பலர் என்னை கவர்ந்தவர்கள். அவர்களை பின்பற்றி நடிக்கிறேன்.

தனுஷ் தயாரிக்கும் ‘எதிர் நீச்சல்’ படத்தில் நடிக்கிறேன். இதில் நயன்தாரா, சம்பளம் வாங்காமல் ஒரு பாடலுக்கு ஆடி உள்ளார். முத்தக்காட்சிகளில் எனக்கு நம்பிக்கை கிடையாது. நல்ல கதை பொருத்தமான கேரக்டர்களை தேர்வு செய்து நடிக்கிறேன். நான் சம்பளத்தை உயர்த்தி விட்டதாக வதந்திகள் பரவியுள்ளன. அது தவறு. நான் எந்த நடிகரையும் போட்டியாக கருதவில்லை.

இவ்வாறு சிவகார்த்திகேயன் கூறினார்.