மம்முட்டியுடன் மோதலா?: பிரியாமணி பதில்

மம்முட்டிக்கும் பிரியா மணிக்கும் பனிப்போர் நடப்பதாக கேரள திரையுலகில் கிசு கிசு பரவியுள்ளது.

மம்முட்டி நடிக்கும் `தப்பன்னா’ படத்தில் பிரியாமணியை நாயகியாக ஒப்பந்தம் செய்து இருந்தனர். ஆனால் சமீபத்தில் ரிலீசான பிரியாமணி படமான `பிரஞ்சியத்தன்’ தோல்வி அடைந்தது. இதனால் பிரியா மணி மார்க்கெட் சரிந்தது. இதையடுத்து பிரியா மணியை படத்தில் இருந்து தூக்கும் படி மம்முட்டி கூறிவிட்டாராம்.

அவர் வற்புறுத்தல்படி பிரியாமணியை நீக்கி விட்டு வேறு நாயகியை தேர்வு செய்துள்ளனர் என்று கூறப்பட்டது. இதுகுறித்து பிரியாமணியிடம் கேட்டபோது மறுத்தார். மம்முட்டிக்கும், எனக்கும் எந்த மோதலும் இல்லை. இருவரும் நல்ல நட்புடன் இருக்கிறோம். அவர் படத்தில் என்னை ஒப்பந்தம் செய்து விட்டு நீக்கி விட்டதாக வெளியான செய்திகள் வதந்திதான். அந்த படத்தில் நடிக்கும்படி என்னிடம் அணுகவில்லை என்றார்.