மீண்டும் படப்பிடிப்பில் அஞ்சலி

நடிகை அஞ்சலி கடந்த 8-ந் தேதி வீட்டை விட்டு வெளியேறி மும்பையில் தலைமறைவாக இருந்தார். சித்தி பாரதிதேவி பணத்தை அபகரித்து தன்னை கொடுமைபடுத்தியதாக பரபரப்பான குற்றச்சாட்டுகளையும் கூறினார்.

இதனை பார்வதி தேவி மறுத்ததுடன் அஞ்சலியை யாரோ கடத்தி சென்று விட்டதாக போலீசில் புகார் அளித்தார். சென்னை ஐகோர்ட்டில் ஆஜர்படுத்தும்படி கேபியஸ் கார்பஸ் மனுவும் தாக்கல் செய்தார். போலீசார் அஞ்சலியை தேடி வந்தனர்.

இந்த நிலையில் அவர் ஐதராபாத் போலீசில் ஆஜராகி தன்னை யாரும் கடத்தவில்லை என்று வாக்குமூலம் அளித்தார். இனிமேல் சொந்த வாழ்க்கை சம்பந்தமான முடிவுகளை நானே எடுப்பேன் என்றும் பேட்டி அளித்தார்.

ஏற்கனவே அஞ்சலி மாயமானதால் அவர் வெங்கடேஷ் ஜோடியாக நடிக்க வேண்டி இருந்த 'போல்பச்சன்' தெலுங்குபட ரீமேக் ரத்து செய்யப்பட்டது. தற்போது அந்த படத்தில் மீண்டும் நடிக்க துவங்கியுள்ளார்.

இதன் படிப்பிடிப்பு மகாராஷ்டிரா மாநிலம் புனே அருகில் உள்ள பஞ்சாக்னி என்ற இடத்தில் நடந்து வருகிறது. படப்பிடிப்பில் மகிழ்ச்சியாக நடித்து வருவதாக படக்குழுவினர் தெரிவித்தனர். அஞ்சலிக்கு தனியாக கேரவேன் ஏற்பாடு செய்துள்ளனர். இரவில் தங்குவதற்கு நட்சத்திர ஓட்டலில் ரூமும் ஒதுக்கப்பட்டு உள்ளது.

படக்குழுவினருடன் சிரித்து சகஜமாக பழகுகிறாராம். 24-ந் தேதி வரை அங்கு படப்பிடிப்பு நடக்கிறது. அதன் பிறகு சென்னை வந்து கோர்ட்டில் ஆஜராவார் என எதிர்பார்க்கப்படுகிறது