ரகுமான் இசையில் பாடிய யுவன்சங்கர்

தான் நடிக்கும், ஒரு படத்துக்கு கூட ஏ.ஆர்.ரகுமான் இசையமைக்கவில்லையே என்று, வருத்தப் பட்டுக் கொண்டிருந்த தனுசுக்கு, இரட்டிப்பு மகிழ்ச்சியளிக்கும் வகையில், அவர் நடிக்கும், "மரியான், ராஞ்சனா என்ற இரண்டு படங்களுக்கும் இசையமைக்கிறார் ரகுமான். அத்துடன், அவரது "மரியான் படத்தில், மற்றொரு அற்புதமும் நடந்துள்ளது. முதன்முறையாக ஏ.ஆர்.ரகுமானின் இசையில் இசையமைப்பாளர் யுவன் ஷங்கர் ராஜா, ஒரு பாடல்பாடியுள்ளார். இது, தனுஷ் எழுதிய பாடலாம். அதனால், தான் எழுதிய பாடல் மூலம், இரண்டு முன்னணி இசையமைப்பாளர்கள் இணைந்திருப்பதை நினைத்து, பெருமைப்படும் அவர், "3 படத்துக்காக, நான் எழுதி பாடிய, "கொலவெறி பாடலைவிட, இப்பாடல் மிகப் பெரிய வெற்றி பெறும் என்கிறார்.