தடை தாண்டிய ரீமா கல்லிங்கல்

முதன்மை பக்கம் பொழுதுபோக்கு » சினிமா » சினிமா செய்தி » தடை தாண்டிய ரீமா கல்லிங்கல்
தடை தாண்டிய ரீமா கல்லிங்கல்
செவ்வாய், 30 ஏப்ரல் 2013( 19:23 IST )
Webdunia
FILE
மலையாள நடிகர்கள் புகைந்து கொண்டிருக்கிறார்கள். தொலைக்காட்சியில் பங்களிப்பு செலுத்தும் எந்த நடிகர், நடிகைக்கும் ஒத்துழைப்பு தருவதில்லை என்ற புதிய விதியை தயாரிப்பாளர்கள் சங்கம் ஏற்படுத்தியிருப்பதுதான் இதற்கு காரணம்.

இந்த புதிய கட்டுப்பாட்டால் நீங்களும் வெல்லலாம் ஒரு கோடி நிகழ்ச்சியை மலையாளத்தில் நடத்திவரும் சுரேஷ்கோபி, நிகழ்ச்சி முடியும்வரை படங்களில் நடிப்பதில்லை என்று அறிவித்து அனுமதி பெற்றிருக்கிறார். நடிகை ரீமா கல்லிங்கல் ஒரு நிகழ்ச்சியை தொகுத்து வழங்கினார். அதனை காரணம் காட்டி அவருக்கு தடை விதித்தனர்.

பிரச்சனை எழுந்ததும் ரீமா அந்த தொலைக்காட்சி நிகழ்ச்சியிலிருந்து விலகிக் கொண்டதோடு விளக்கக் கடிதமும் தந்தார். அதற்குப் பிறகும் தயாரிப்பாளர்கள் சங்கம் தடையை விலக்கிக் கொள்ளாததால் மலையாள நடிகர்கள் சங்கமான அம்மா அவருக்கு ஆதரவாக களமிறங்கியது. ரீமா மீதான தடையை நீக்கவில்லை எனில் தயாரிப்பாளர்களின் எந்த நிகழ்ச்சிக்கும் ஒத்துழைப்பு தருவதில்லை என பதில் மிரட்டல்விட, தயாரிப்பாளர்கள் சங்கம் இறுதியில் பணிந்திருக்கிறது.

ரீமா கல்லிங்கல் விரைவில் இயக்குனர் ஆஷிக் அபுவை திருமணம் செய்யவிருப்பது குறிப்பிடத்தக்கது.